സമയം രാത്രി 1.30 മണി.. മഞ്ഞ് വീഴുന്ന രാത്രിയിൽ ആയിഷയുടെ നെഞ്ച് പടാപടാന്നു ഇടിച്ചു...ഇക്കയുടെ ഫ്ലൈറ്റ് രാവിലെ 9.30ക്ക് ആണ്....  മെഹ്റൂഫ് നല്ല ഉറക്കത്തിലാണ്..

 കല്യാണം കഴിഞ്ഞു കഷ്ടി 2ആഴ്ച്ച മാത്രം പ്രായമുള്ള മധുവിധു തീരാൻ ഇനി കുറച്ചു മണിക്കൂറു മാത്രം... കരഞ്ഞിട്ടും തീരാത്തത്ര നൊമ്പരം മനസ്സിലുണ്ട്.. ഇതൊക്കെ ദുബായിൽ ഹൌസ് ഡ്രൈവർ ആയ  ഇക്കയോട് പറഞ്ഞു വിഷമിപ്പിക്കില്ലന്ന് ആദ്യമേ  കണക്കു കൂട്ടിയിരുന്നു ആയിഷ. .. ഉപ്പാന്റെ byepass operation ചിലവും മറിയയെ കെട്ടിച്ചു വിട്ടതും ഒക്കെ കൂടി ഇക്കാന്റെ കാക്കത്തൊ ള്ളായിരം "ചെറിയ" കടങ്ങൾ...  അതൊക്കെ  തീര്ന്നിട്ടു വേണം നാട്ടിൽ settle ആവാൻ...

ഒന്നും പറഞ്ഞില്ലെങ്കിലും രാത്രിയിൽ ആ നെഞ്ചും പറ്റി കിടക്കുമ്പോൾ ഇക്കാന്റെ ഉള്ളിലുള്ള തീയുടെ ചൂട് ... കണ്ടതല്ലേ ??  ഇക്ക ഒരു  പാവമാണ്... വീട്ടുകാരും !! ഇഷ്ടമില്ലാഞ്ഞിട്ടും അവർ 10പവനും ഒരു ലക്ഷം രൂപയും സ്ത്രീധനം വാങ്ങിയത് എന്തിനായിരിക്കുമെന്ന് ആയിഷ അറിഞ്ഞു. ലീവ് ഇനി രണ്ടു കൊല്ലം കഴിഞ്ഞിട്ടു മാത്രമാണെന്നു ചിന്തിച്ചപ്പോൾ തലയിൽ പെരുപ്പ് കയറുന്ന പോലെ...

അടുത്ത മുറിയിൽ ഉമ്മ എഴുന്നേറ്റിട്ടുണ്ട്.. തഹജ്ജുദ്‌ നിസ്കരിച്ചും ദിക്കർ സ്വലാത്ത് കൂട്ടിയും പാവം ഉമ്മ വിഷമങ്ങൾ അല്ലാഹുവുമായി പങ്ക് വെക്കുകയാണ്....ആയിഷ എഴുന്നേറ്റു പ്രിയനെ കൺകുളിർക്കെ ഒന്ന് കൂടി നോക്കി.. വേഗം പല്ല് തേച്ചു വുളു എടുത്തു ഉമ്മയുടെ അടുത്തു നിസ്കരിച്ചു..ദുആ ചെയ്യുമ്പോൾ ഉമ്മയുടെ കണ്ണീർ മുസല്ലയെ കുതിർത്തിരുന്നു... ആയിഷയ്ക്കും കരച്ചിൽ അടക്കാനായില്ല.... രണ്ടു പേരുടെയും നൊമ്പരം ആ രാവിൽ ആരും കേട്ടില്ല.തകർത്തു പെയ്യുന്ന മഴയിൽ അവരുടെ ഹൃദയവേദന നേർത്ത അലകളായി...!!!!മെസീൻ looka.. കടപ്പാട്